Тәкъдим ителүче эш урыннарынын күплеген исәпкә алып, Актаныш халыкны эш белән тәэмин итү үзәге 23 май көнне иртәнге 8.00 сәгатьтән 11.00гә кадәр “Яшьлек” мәдәни үзәгендә вакансияләр ярминкәсе оештырыла.

Белешмәләр өчен телефон: 3-09-83

17 нче май көнне районның тантаналар залында халыкара, Россиякүләм һәм республика фән олимпиадаларында катнашып, җиңү яулаган районыбыз укучыларын, мөгаллимнәрен хөрмәтләү тантанасы узды.

“Сәләтле балалар программасы”н гамәлгә ашыру, аерым фәннәрдән сәләтле балаларны ачыклау максатында,  2012-2013 нче уку елында район мәктәпләре арасында 20, зонада 1, республикада 20 фәннән олимпиадалар үткәрелеп, район олимпиадаларында 1240, зонада 15, республикада 46 укучы катнашкан.

Алар арасыннан дүрт укучы аеруча зур җиңүләргә ирешкәннәр:

-   Сәләтле балалар өчен гуманитар гимназия — интернатыннан Шәйхин Айдар татар теле һәм әдәбияты фәне буенча I халыкара олимпиадада 1 урынны яулаган. (укытучысы Әминова Л.Г.), тарих фәне буенча бөтенрәсәй олимпиадасынын төбәкара этабында абсолют җиңүче дип танылган, ә Оренбург өлкәсендә үткәрелгән олимпиадада 3 урынны яулаган. (укытучысы Абдуллина М.М.).

-   Пучы урта гомуми белем бирү мәктәбеннән Зарипова Гөлназ татар әдәбияты буенча республика олимпиадасында абсолют җиңүче (укытучысы Галимуллина Ф.Х.)

-   Сәләтле балалар өчен гуманитар гимназиядән Валькова Алена инглиз теле буенча бөтенрәсәй олимпиадасының төбәкара этабында призер (укытучысы Тимерова Л.Ф.),

-   Актаныш  1 урта гомуми белем бирү мәктәбеннән Заманов Булат технология фәненнән бөтенрәсәй олимпиадасының төбәкара этабында призер (укытучысы Мөхәмәдиев Д.С.)

Республика олимпиадаларында зур җиңү яулаган һәм призер исеменә ия булган  укучыларны, аларның укытучыларын  район башкарма комитеты җитәкчесе урынбасары И.Фәттахов котлады, ихлас теләкләрен җиткерде.

“Балаларыбызның укуда югары уңышларга ирешүенең, менә шундый фән олимпиадаларында җиңү яулауның  төп 3 факторы бар: укучының үз тырышлыгы һәм омтылышы, укытучысының һөнәри осталыгы һәм әти-әниләрнең хезмәте. Баланың нинди фәннәргә өстенлек бирүен, кайсы предметларга сәләте барлыгын читтән карап, көтеп утыру ярамый. Әлеге сәләтне укытучы ача, таба, үстерә белергә тиеш. Ә инде менә бүген биредә басып торучы кыз-малайлар — зур җиңү яулаган укучылар. Хезмәтләренә карап, хөрмәтләү, аларны бәяләү  - безнең бурыч”,- дип билгеләп үтте үзенең чыгышында район Башкарма комитет җитәкчесенең социаль мәсьәләләр буенча урынбасары Л.Җ.Шәмсунова.

Муниципаль, республика, Рәсәй олипиадаларында катнашкан мәгариф учреждениеләре эшчәнлекләренә нәтиҗәне район мәгълүмати мәгариф идарәсе җитәкчесе В.М.Салихов ясады.

Төп гомуми белем бирү мәктәпләре арасында 1енче урынга Әтәс мәктәбе ия булды. 2нче, 3нче урыннарда –  Зөбәер,  Богады мәктәпләре.

Урта гомуми белем бирү мәктәпләре арасында 1енче урынга Пучы, 2нче урынга – Мари Суксу, 3енче урынга – Сәфәр мәктәпләре лаек булдылар.

Район үзәге мәктәпләре арасында

I — барысы 70 призлы урынга ия булган сәләтле балалар өчен гуманитар гимназия.

II – 64 призлы урын иясе аерым фәннәрне тирәнтен үзләштерүле 2 нче санлы Актаныш мәктәбе.

III – 61 призлы урынга ия булган Актанышның 1 нче санлы мәктәбе.

Ниһаять, бәйрәмнең иң тантаналы мизгелләре – Ел укучысын игълан итәләр.  Ул – 2 нче Актаныш урта гомуми белем бирү мәктәбенен 11 сыйныф укучысы – Айдар Гыйлманов. Район башлыгы  вазыйфаларын башкаручы Фаил Мисбах улы Камаев аны котлап, язулы тасма кигерде, киләчәктә дә җиңүләр теләп, кыйммәтле бүләк тапшырды.

Фотолар белән биредә танышырга була

Тирә-юньдәгеләргә шәфкатьле, мәрхәмәтле һәм ихтирамлы булу, битараф калмау — һәр кешенең изге бурычы. Шул уңайдан “Игелек үзәге”нең гаиләгә һәм балаларга социаль ярдәм күрсәтү бүлекчәсе  гаилә декадасы кысаларында “Мәрхәмәтлелек” акциясе игълан итә. Бүлекчә белгечләре аз керемле, мохтаҗ гаиләләрдә тәрбияләнүче, мөмкинлекләре чикләнгән балалар өчен  бала караватлары, коляскалар, велосипедлар, ходункилар җыя. Тулысынча »

Җиңү паркы каршында оештырылган бүгенге бәйрәм тантанасына район халкы, кайткан кунаклар һәм, әлбәттә, Бөек Ватан сугышы ветераннары, тыл батырлары, матур киенеп, якыннары, туганнары белән җыйналган иде.

Бәйрәм рухын табигать үзе дә алкышлый иде төсле – 9 Май бәйрәмендә көн кояшлы, җылы, матур булды. Һәркемнең йөзендә бәйрәм төсе, ихлас елмаю. Тулысынча »

Бөек Ватан сугышы ветераннары, аларның тол калган хатыннарының торак хәлләрен яхшырту максатыннан эшләп килүче федераль программа нигезендә, районыбызда барысы 406 ветеран исемлеккә кертелгән, 404е финансланган. Аларның инде 372 се яңа тораклы – йортлы булды. Әлеге йортларның соңгы 25енең ачкычларын   бүген – нәкъ менә Җиңү бәйрәме көнне район башлыгы вазыйфаларын башкаручы Ф.Камаев һәм ТР мәгариф һәм фән министры Э.Фәттахов тантаналы рәвештә ияләренә тапшырдылар. Тулысынча »

9 Май – Бөек Җиңү көне белән сугыш ветераннарын, тыл батырларын, райондашларыбызны Актаныш муниципаль район башлыгы вазифаларын башкаручы Фаил Камаев котлады. Тулысынча »

Актаныш муниципаль район башкарма комитеты ьитщкчесе Фаил Камаев  актанышлыларны Беренче май бәйрәме белән котлады.

“Хөрмәтле райондашлар! Безнең барыбыз өчен дә май бәйрәмнәре яңарыш һәм яхшылыкка өмет һәм ышаныч символлары булып торалар. Әлеге җылы яз көннәре  дусларыгыз һәм якыннарыгыз белән очрашу шатлыгы белән тулылансын, яңа яшәү көче бирсен. Яз сулышы гаиләгезгә муллык, күңелләрегезгә сабырлык, тәнегезгә саулык китерсен. Сезгә тормышыгызда зур уңышлар, яңа үрләр яулавыгызны, гаиләгездә җылылык, бәхет телим»,– диелгән ул котлауда.

26 апрель Казанның “Корстон” кунакханә-сәүдә-күңел ачу комплексында “Ел укытучысы-2013” республика бәйгесе җиңүчеләре игълан ителде. Беренче, икенче һәм өченче урын ияләреннән тыш, төрле номинацияләр буенча җиңү яулаган 10 мөгаллим һәм 7 лауреат билгеләп үтелде. Тулысынча »

27 апрель  көнне  Актаныш муниципаль районының 2013 елның беренче кварталында социаль-икътисадый күрсәткечләренә анализ ясалып,  оешмалар арасында иң яхшылар билгеләнде һәм хөрмәтләнде. Төп чыгышны бу уңайдан район башкарма комитеты җитәкчесенең икътисад буенча урынбасары М.Гыйләва ясады. Тулысынча »